Ottura asiyadiki 5 jumhuriyet yadro qorallardin xali rayon kélishimi imzalidi


2006.09.08

Ottura asiyadiki 5 dölet jüme küni rayonni yadro qorallardin xali rayon qilish kélishimi imzalidi. Kélishimde bu döletler yadro qorallarni ishlepchiqarmasliq, sétiwalmasliq we bashqa döletlerning rayonda yadro qorallirini orunlashturushigha yol qoymasliqqa wede qilghan.

Qazaqistan tashqiy ishlarministiri jümert toqayéw kélishim imzalash murasimida " rayondiki döletler herbiy hazirliqlar we qirghinchiliq qoralliridin xali bolush prinsipining ramkisi üstide birlikke keldi. Bu bizning yer shari bixeterlikige qoshqan bir töhpimiz " dédi. Qazaqistan, özbékistan, qirghizistan, tajikistan, türkmenistan qatarliq döletler 8.3 Milyon kwadirat kilométir kélidighan we 60 milyon nopusqa ige bu rayonni yadro qorallardin xali jay, dep jakarlighan bu kélishim qazaqistanning shemey shehiride imzalandi.

Birleshme axbarat agéntliqining xewer qilishiche, amérika, bu kélishimning yadro qorallar iqtidarigha ige ayrupilanlarning rayondin uchup ötüshini cheklishidin ensirimektiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.