Ш а о ә т афғанистандики һәрбий күчини кеңәйтиду


2004-10-22
Share

Шималий атлантик окян әһдә тәшкилати баш катипи җап де хоп шейфир, мәзкур һәрбий иттипақниң афғанистандики һәрбий қисимлирини йеқин кәлгүсидә ғәрбий афғанистандики һерат райониға қәдәр кеңәйтидиғанлиқини билдүрди.

Ш а о ә т баш катипи бу сөзләрни пәйшәнбә күни түркмәнистан президенти сәпәр мурат ниязоп билән елип барған сөһбитидин кейин өткүзгән мухбирларни күтүвелиш йиғинида елан қилди. Де хоп шейфир, президент ниязоп билән түркмәнистанниң ш а о ә т қисимлириниң афғанистандики һәрбий һәрикитини қуруқлуқ вә һава йоли билән тәминләш мәсилиси үстидә музакирә елип барғанлиқини ашкарилиди.

Ш а о ә т баш катипиниң билдүрүшичә, униң оттура асия вә кафказийә ишлири бойичә алаһидә вәкили роберт симмонс, түркмәнистан һөкүмити билән юқириқи мәсилиләр бойичә сөһбәт елип бариду. Де хоп шейфир чаршәнбә күни таҗикистанни зиярәт қилип, таҗик президенти имам әли рахманоп билән афғанистандики ш а о ә т қисимлириниң таҗикистан транспорт йоллирини ишлитиш бойичә келишим имзалиған иди. Ш а о ә т баш катипи бу қетимқи сәпиридә қирғизистан, қазақистан вә өзбәкистанларни зиярәт қилған. У җүмә күни әзәрбәйҗанни зиярәт қилди. Көзәткүчиләр, ш а о ә т ниң афғанистан вә оттура асия әллиригә кеңийиши хитай һөкүмити көрүшни әң халимайдиған әһвал дәп қаримақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт