Sh a o e t afghanistandiki herbiy küchini kéngeytidu

Shimaliy atlantik okyan ehde teshkilati bash katipi jap dé xop shéyfir, mezkur herbiy ittipaqning afghanistandiki herbiy qisimlirini yéqin kelgüside gherbiy afghanistandiki hérat rayonigha qeder kéngeytidighanliqini bildürdi.

Sh a o e t bash katipi bu sözlerni peyshenbe küni türkmenistan prézidénti seper murat niyazop bilen élip barghan söhbitidin kéyin ötküzgen muxbirlarni kütüwélish yighinida élan qildi. Dé xop shéyfir, prézidént niyazop bilen türkmenistanning sh a o e t qisimlirining afghanistandiki herbiy herikitini quruqluq we hawa yoli bilen teminlesh mesilisi üstide muzakire élip barghanliqini ashkarilidi.

Sh a o e t bash katipining bildürüshiche, uning ottura asiya we kafkaziye ishliri boyiche alahide wekili robért simmons, türkmenistan hökümiti bilen yuqiriqi mesililer boyiche söhbet élip baridu. Dé xop shéyfir charshenbe küni tajikistanni ziyaret qilip, tajik prézidénti imam eli raxmanop bilen afghanistandiki sh a o e t qisimlirining tajikistan transport yollirini ishlitish boyiche kélishim imzalighan idi. Sh a o e t bash katipi bu qétimqi sepiride qirghizistan, qazaqistan we özbekistanlarni ziyaret qilghan. U jüme küni ezerbeyjanni ziyaret qildi. Közetküchiler, sh a o e t ning afghanistan we ottura asiya ellirige kéngiyishi xitay hökümiti körüshni eng xalimaydighan ehwal dep qarimaqta. (Erkin)