Baqiyéf, amérika herbiy qisimlirining qirghizisitanda turushini qaytidin közdin köchüridighanliqini otturigha qoydi


2005.07.11
Share on WhatsApp
Share on WhatsApp

Qirghizistanning yéngi prézidénti bolup saylan'ghan qurmanbék baqiyéf, amérikining herbiy qisimlirini qirghizistanda turghuzush mesilisi qaytidin muzakire qilinishi kérek, dédi.

Qurmanbék baqiyéf düshenbe küni qirghizistan prézidént saylimida ghelibe qilghandin kéyin, muxbirlargha bergen tunji bayanatida, "afghanistanda prézidént we parlamént saylimi ötküzüldi. Afghanistanda weziyet muqimlashti. Shuning üchün emdi biz amérika herbiy qisimlirining qirghizistanda turushining zörür yaki emeslikini qaytidin muzakire qilishimiz kérek. Bu mesilining qachan we qandaq muzakire qilinidighanliqi téxi melum emes", dédi.

Xitay we rusiyining rehberlikide pa'aliyet élip bériwatqan shangxey hemkarliq teshkilatigha eza döletlerning dölet we hökümet rehberliri, ötken hepte qazaqistanning paytexti astanada ötküzgen aliy derijilik yighini jeryanida, amérikidin ottura asiyadiki herbiy qisimlirini chékindürüsh üchün éniq bir waqit belgilishini telep qilghan idi.

Lékin amérika tashqi ishlar ministiri kondaliza rayis, yekshenbe küni béyjingda muxbirlargha bergen bayanatida, shangxey hemkarliq teshkilatining ottura asiyadiki herbiy qisimlirini chikindürüsh toghrisidiki telipini ret qilip, afghanistanda térrorchiliqqa qarshi urushning hélimu dawamlishiwatqanliqini tekitligen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.