ئۆزبېكىستاندىن قوشۇن چېكىندۈرۈش ئافغانىستاندىكى ھەربىي پائالىيەتلەرگە تەسىر يەتكۈزمەيدۇ


2005-08-01
Share

دۈشەنبە كۈنى ئامېرىكا ھەربىي خادىملىرى، ئۆزبېكىستان ھۆكۈمىتىنىڭ ئامېرىكا قوشۇنلىرىنى خانئاباد ھەربىي بازىسىدىن چىقىرىش قارارى، ئافغانىستاندىكى ھەربىي پائالىيەتلەرگە ھېچقانداق تەسىر يەتكۈزمەيدۇ، دېدى.

ئۆزبېكىستان ھۆكۈمىتى جۈمە كۈنى ئامېرىكىدىن ھەربىي قىسىملىرىنى خانئاباد بازىسىدىن ئېلىپ چىقىپ كىتىشىنى تەلەپ قىلغان. ئامېرىكا -11 سېنتەبىر تېررورلۇق ھۇجۇمىدىن بىرى مەزكۇر بازىدىن ئافغانىستاندىكى ھەربىي ۋە ئىنسانپەرۋەرلىك پائالىيەتلىرى ئۈچۈن پايدىلىنىپ كېلىۋاتاتتى.

ئامېرىكىنىڭ ئافغانىستاندىكى قوشۇنلىرىنىڭ باياناتچىسى پولكوۋنىك جىم يونتىس كابۇلدا مۇخبىرلارغا بەرگەن باياناتىدا، "ئۆزبېكىستان ھۆكۈمىتىنىڭ قارارى، بىزنىڭ ئافغانىستاندا ئېلىپ بېرىۋاتقان ھەربىي پائالىيەتلىرىمىزگە ھېچقانداق تەسىر يەتكۈزمەيدۇ" دېدى.

ئۆزبېكىستان ھۆكۈمىتى، ئامېرىكا قوشۇنلىرىنى خانئاباد ھەربىي بازىسىدىن نىمە ئۈچۈن چىقىرىش قارارىغا كەلگەنلىكى توغرىسىدا ھېچقانداق سەۋەپ كۆرسەتمىگەن. ئەمما ئۆزبېكىستان ھۆكۈمىتى ماي ئېيىدا ئەنجان شەھىرىدە ئېلىپ بېرىلغان نارازىلىق نامايىشىنى قانلىق باستۇرغاندىن بېرى، ئۆزبېكىستان ئامېرىكا مۇناسىۋەتلىرى كۈنسېرى ناچارلاشماقتا. (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت