Русийә қирғизистан билән болған һәрбий алақисини күчәйтмәкчи


2005.09.21
Share on WhatsApp
Share on WhatsApp

Русийә дөләт мудапиә министири сергий иваноф чаршәнбә күни русийиниң қирғизистанға кәң көләмдә мәбләғ селип, бу дөләт болған һәрбий алақисини күчәйтидиғанлиқини билдүрди.

Америка бирләшмә ахбарат агентлиқиниң хәвиригә қариғанда, сергий иваноф чаршәнбә күни қирғизистанниң пайтәхти бешкәкни зиярәт қилғанда, " биз қирғизистанға кәң көләмдә мәбләғ селишни пиланлаватимиз" дегән. Қирғизистан президенти қурманбек бақийеф болса, русийә билән болған һәрбий һәмкарлиқиниң тез тәрәққий қилишини үмид қилидиғанлиқини ипадилигән.

Русийә йеқиндин буян оттура асиядики сиясий вә һәрбий тәсирини қайта күчәйтиш үчүн уриниватқан болуп, у йәнә хитай билән бирлишип, шаңхәй һәмкарлиқ тәшкилатиға вакалитән америкидин бу районда турғузиватқан қошунлирини чекиндуруш вақтини бекитишини тәләп қилған иди.

Әмма қирғизистан, америка вә русийиниң бу райондики мәнпәәтини тәңпуңлаштурушқа тиришмақта. Президент бақийеф, америкиниң һәрбий базисини афғанистан пүтүнләй тинчланғичә узартишиға йол қойидиғанлиқини билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.