Русийә таҗикистанда һава армийә базиси қуриду


2005-10-07
Share

Таҗикистан даирилириниң җүмә күни ашкарилишичә, русийә таҗикистан пайтәхти дүшәнбә әтрапида һава армийә базиси қурудиған болуп, бу русийиниң оттура асияда һәрбий база қуруш тиришчанлиқиниң әң йеңи ишарити икән.

Русийиниң таҗикистанда һәрбий база қуруш пилани, өзбекистан даирилири әнҗан вәқәсидин кейин ханабад һава армийә базисидики америка қисимлирини елип чиқип кетишни тәләп қилип озун өтмигән бир мәзгилгә тоғра кәлди.

Америка билән русийиниң қирғизистандики һәрбий базирилири бир - биригә хошна болуп, ш а о ә т баш катипиниң вәкили роберт симонис өткән күни бешкәкни зиярәт қилғанда ш а о ә т ниң қирғизистан билән һәрбий һәмкарлиқини кеңәйтидиғанлиқини җакарлиған.

Таҗикистан президенти имам әли рахманов ишханисиниң тәкитлишичә, русийә һава армийә базиси пайтәхт дүшәнбиниң 10 километир сиртидики әйни дегән җайда сабиқ совет иттипақидин қалған айродрумда қурулудикән.

Америка ташқи ишлар министири кондилиза райис, келәр һәптә таҗикистанни зиярәт қилип, рахманов билән көрүшиду. Рахманов, йеқинда америкиниң таҗикистанда һәрбий база қурушиға йол қоймайдиғанлиқини билдүргән. Русийә 1992 - йилдин 1997 - йилиғичә давам қилған таҗикистан ичкий урушида рахмановни қоллиған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт