Rusiye tajikistanda hawa armiye bazisi quridu

Tajikistan da'irilirining jüme küni ashkarilishiche, rusiye tajikistan paytexti düshenbe etrapida hawa armiye bazisi qurudighan bolup, bu rusiyining ottura asiyada herbiy baza qurush tirishchanliqining eng yéngi ishariti iken.

Rusiyining tajikistanda herbiy baza qurush pilani, özbékistan da'iriliri enjan weqesidin kéyin xan'abad hawa armiye bazisidiki amérika qisimlirini élip chiqip kétishni telep qilip ozun ötmigen bir mezgilge toghra keldi.

Amérika bilen rusiyining qirghizistandiki herbiy baziriliri bir - birige xoshna bolup, sh a o e t bash katipining wekili robért simonis ötken küni béshkekni ziyaret qilghanda sh a o e t ning qirghizistan bilen herbiy hemkarliqini kéngeytidighanliqini jakarlighan.

Tajikistan prézidénti imam eli raxmanow ishxanisining tekitlishiche, rusiye hawa armiye bazisi paytext düshenbining 10 kilométir sirtidiki eyni dégen jayda sabiq sowét ittipaqidin qalghan ayrodrumda quruludiken.

Amérika tashqi ishlar ministiri kondiliza rayis, kéler hepte tajikistanni ziyaret qilip, raxmanow bilen körüshidu. Raxmanow, yéqinda amérikining tajikistanda herbiy baza qurushigha yol qoymaydighanliqini bildürgen. Rusiye 1992 - yildin 1997 - yilighiche dawam qilghan tajikistan ichkiy urushida raxmanowni qollighan idi. (Erkin)