Qirghizistanda amérikini qollash namayishi yüz berdi

Qirghizistan agéntliqlirining xewer qilishiche, ötken heptide bishkek shehiridiki hökümet binasi aldida, amérikining qirghizistanda herbiy bazisini qollash namayishi yüz bergen bolup, ferghane.ru Agéntliqining uchuridin qarighanda, " qirghizistan- amérika dostluq komitéti" dep atalghan bir teshkilatning ezaliri qollirida qirghizistan we amérika bayraqlirini kötürüshüp, özlirining bir qisim qirghizistan hökümet da'irilirida mewjut amérikining béshkektiki herbiy bazisini élip chiqip kétish xahishlirigha bolghan naraziliqlirini bildürgen.

Ular " amérika démokratiye we muqimliqning kapaliti" dégendek pilakatlarni kötürgen bolup, amérika-qirghizistan dostluq komitétining mu'awin bashliqi asanqulop, qirghizistanning etraptiki xitay we özbékistan bilen köp mesililiri barliqini, egerde qirghizistanda amérika herbiy bazisi tursa, "xitayning yéqinqi 50 yil ichide qirghizistanni bésiwélishining emelge ashmaydighanliqini", amérikining qirghizistanni xitayning bésiwélishidin qoghdaydighanliqini bildürgen. Bu namayishchilar yene amérika prézidéntigha xet yézip, amérikining qirghizistandiki herbiy bazisining dawamliq mewjut bolup turushini qollaydighanliqlirini izhar qilghan.

Qirghizistan insan hoquqi komitétining re'isi ramizan dirildayéwning éytishiche, nöwette, prézidént qurmanbék baqiyéwning xelq ichidiki tesiri burunqigha qarighanda chüshüp ketken. (Ümidwar)