Baqiyéw amérika armiye bazisi heqqide toxtaldi


2006.05.21
Share on WhatsApp
Share on WhatsApp

Qirghizistanda intérnét arqiliq tarqitilidighan "gazeta.kg "Ning xewer bérishiche, qirghizistan prézidénti qurmanbék baqiyéw 19-may küni bishkekte chet'ellik muxbirlargha söz qilip, bishkkekning manas ayrodromidiki amérikining "gansi" dep atalghan hawa armiye bazisining yéngi kira heqqi toghrisida amérika bilen sodilashmaydighanliqini bildürgen. Chünki, qirghizistan bu bazining yéngi kira heqqi süpitide amérika hökümitige 200 milyon dollar tölesh heqqide telep qoyghan bolup, bishkek da'iriliri izchil türde bu telipidin yanmighan idi.

"Biz bu mesilide amérika bilen sodalashmaymiz " dep keskin bildürgen prézidént qurmanbék baqiyéw chet'el muxbirlirigha yene " afghanistandiki urushning axirlashqinigha besh yil ötti. Biz amérikigha bu bazining heqqi heqqide konkrét hésab berduq. Eger amérika qoshma shitatliri bu baha asassiz dep qarisa, bu chaghda ular bizni bashqa usul bilen qayil qilishi kérek" dédi.

Xewerdin ashkarilinishiche, qirghizistan prézidénti sözide yene " qirghizistanning amérika qoshunlirigha bu ayrodromni bérishige seweb bolghan taliplar hazir yoq !" dep tekitlesh arqiliq, afghanistandiki weziyetnng özgergenlikini eskertken.

Qirghizistandiki amérika herbiy bazisi xitay bilen rusiyining alahide diqqitini qozghighan bolup ötken yilidiki shangxey hemkarliq teshkilatining aliy derijilikler yighinida amérikining öz bazisini taqash kün tertipini békitish telep qilin'ghan bolsimu, emma, kéyin bishkek rehberliri bu bazining dawamliq turushigha qoshulidighanliqini bildürgen idi. Biraq, yéqindin buyan ular qaytidin mezkur mesilini yene köterdi.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.