قۇرمانبېك باقىيېف ئامېرىكا - قىرغىزىستان ئىجارە ھەققى ئىختىلاپىدا تېز بىرلىككە كېلىشنى تەلەپ قىلدى


2006-06-05
Share

قىرغىزىستان پرېزىدېنتى قۇرمانبېك باقىيېف دۈشەنبە كۈنى بۇ دۆلەتتىكى ئامېرىكا ھاۋا ئارمىيە بازىسىنىڭ ئىجارە ھەققى مەسىلىسىدە ئىككى تەرەپنىڭ تېزرەك بىرلىككە كېلىشنى تەلەپ قىلدى. بازىنىڭ ئىجارە ھەققىنى چۆرىدىگەن بۇ ئىختىلاپ قىرغىزىستاندىكى ئامېرىكا ھاۋا ئارمىيە بازىسىنىڭ كېلەچىكىگە تەھدىت سالماقتا ئىدى.

پرېزىدېنت باقىيېف ئىشخانىسىنىڭ ئاشكارىلىشىچە، قىرغىزىستان پرېزىدېنتى ئامېرىكا بىلەن بولغان بۇ سۆھبەت " بىزنىڭ ئىقتىسادى مەنپەئەتىمىز ۋە مۇھىت مەسىلىسىدىكى ئەندىشىلىرىمىزنى كۆزدە تۇتقان ھالدا ئىمكانىيەتنىڭ بېرىچە تېزرەك ھەل بولۇشىنى ئۈمىد قىلىمىز " دەپ تەكىتلىگەن. ئامېرىكا دائىرىلىرى بىلەن قىرغىزىستان ھۆكۈمىتى ئۆتكەن ھەپتە بازىنىڭ ئىجارە ھەققىدە توغرىسىدا 2 كۈن سۆھبەت ئېلىپ بارغان بولسىمۇ،لېكىن كېلىشىم ھاسىل قىلالمىدى. تەرەپلەر داۋاملىق سۆھبەت ئۆتكۈزۈشكە ماقۇل بولغان. پرېزىدېنت باقىيېف ، ئەگەر ئامېرىكا 1 - ئىيۇنغىچە قىرغىزىستان بىلەن كېلىشىم ھاسىل قىلمىسا، ماناس بازىسىدىكى ئامېرىكا قىسىملىرىنىڭ چىقىپ كېتىشىنى تەلەپ قىلىمىز، دەپ تەھدىت سالغان، لېكىن ئۇ بۇ سۆزلىرىنى كېيىنرەك قايتۇرۇۋالدى.

قىرغىزىستان ئامېرىكىدىن ماناس ھاۋا ئارمىيە بازىسىنىڭ ئىجارە ھەققى ئۈچۈن يىلدا 200 مىليون دوللار تۆلەشنى تەلەپ قىلماقتا. ئامېرىكا ئىجارە ھەققىنى ئۈستۈرۈشكە ماقۇل بولغان، لېكىن قىرغىزىستان تەرەپ تەلەپ قىلغان ئىجارە سوممىسىنى رەت قىلماقتا.

بىرلەشمە ئاخبارات ئاگېنتلىقىنىڭ خەۋەر قىلىشىچە، ئافغانىستان دۆلەت مۇداپىئە مىنىستىرى ئابدۇلرەھىم ۋارداق دۈشەنبە كۈنى قىرغىز دۆلەت مۇداپىئە مىنىستىرى ئىسمايىل ئىساقوفقا تېلېفون قىلىپ، قىرغىزىستاندىكى ئامېرىكا بازىسى ئافغانىستاننىڭ مۇقىملىقى ئۈچۈن مۇھىم رول ئويناۋاتقانلىقىنى تەكىتلىگەن. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت