Amérikining qirghizistan manas bazisidiki bir xadimi yoqap ketti

Amérikining qirghizistandiki elchixanisining melum qilishiche, amérikining qirghizistandiki manas herbiy bazisida xizmet öteydighan bir neper amérika puqrasi yéqinda yoqap ketken.

Bu weqe, amérika da'iriliri bu herbiy baza heqqini ijarige élish heqqi toghrisida qirghizistanning telipige qoshulup bir nechche heptidin kéyinla yüz berdi. Roytérs agéntliqining bildürüshiche, bu xadim seyshenbe küni manas bazisidiki bashqa xizmetdashliri bilen baza rghachiqqan waqtida yoqap ketken.

Amérika da'iriliri gerche bu xadimning salahiyitini élan qilmisimu, lékin manastiki herbiy xadimlar aq tenlik bir ayalni izdeshke bashlighan. Qirghizistanda ötken yili sabiq prézidént esqer aqayéfni aghdurush yolida zorawanliq namayishi yüz bergendin buyan, pütün qirghizistanni muqimsizliq qaplidi.

Qirghizistan da'iriliri amérika bilen manasta turushluq herbiy bazisigha qoyidighan ijare heqqini yuqiri kötürüsh mesiliside xéli talash-tartish qilishqan hetta eger amérika qirghizistanning telipige qoshulmisa, u halda qirghizistanning manastiki bu amérika bazisini taqiwétidighanliqini agahlandurghan idi. (Peride)