Хитай дөләт мудапиә министири қазақистанни зиярәт қилди
2005.09.16
Оттура асия әллирини зиярәт қиливатқан хитай дөләт мудапиә министири сав гуаңчүән, җүмә күни астанида қазақистан дөләт мудапиә министири муқтар алтунбайев билән көрүшүп, хитай - қазақистан һәрбий мунасивәтлирини күчәйтидиғанлиқини җакарлиди.
Шинхуа ахбарат агентлиқиниң хәвәр қилишичә, сав гуаңчүән хитай - қазақистан мунасивәтлири йеңи бир басқучқа қәдәм қойдиғанлиқини илгири сүргән. Алтун байев, қазақистанниң атламиш "үч хил күчләр" гә қарши хитай билән һәмкарлишишқа тәйяр икәнликини билдүргән.
Хитай даирлири шәрқий түркистан мустәқилчилири, бейҗиң билән охшимиған пикирдики уйғур сияси вә диний затлирини "үч хил күчләр", дәп бастурмақта.
Сав гуаңчүәнниң әскәртишичә, хитай билән қазақистан билән һәрбий мунасивәтлирини илгири сүрүшкә алаһидә әһмийәт беридикән.
Анализчилар, хитай - қазақистан мунасивәтлириниң келәчики уйғур аптоном райони вәзийитигә пәвқулладә тәсир көрситидиғанлиқини билдүрмәктә. Хитайниң қазақистан билән һәрбий вә һәр қайси саһәләрдики мунасвитини күчәйтишкә интилишидики сәвәбләр, шәрқий түркистан һәрикитиниң районда тәкрар күчийишини тосаштур.
Қазақистан бу йил 7- айда хитай вә русийә билән биргә америкиниң қирғизистан вә өзбекистандики қошунлирини елип чип кетишни тәләп қилған иди. (Әркин)
Мунасивәтлик мақалилар
- Таҗикистан, өзбекистандин чекинидиған америка қошунлирини күтүвелишқа тәйяр
- Хитай дөләт мудапиә министири таҗикистан қатарлиқ оттура асия әллиридики зияритини башлиди
- Түркмәнистан мустәқил дөләтләр һәмдостлуқидин чиқип кәтти
- Мустәқил дөләтләр һәмдостлуқи парчилинишқа қарап йүзләнмәктә
- Хитай - русийә һәрбий маневири 3 - басқучқа кирди