Xitay dölet mudapi'e ministiri qazaqistanni ziyaret qildi


2005.09.16
Share on WhatsApp
Share on WhatsApp

Ottura asiya ellirini ziyaret qiliwatqan xitay dölet mudapi'e ministiri saw gu'angchüen, jüme küni astanida qazaqistan dölet mudapi'e ministiri muqtar altunbayéw bilen körüshüp, xitay - qazaqistan herbiy munasiwetlirini kücheytidighanliqini jakarlidi.

Shinxu'a axbarat agéntliqining xewer qilishiche, saw gu'angchüen xitay - qazaqistan munasiwetliri yéngi bir basquchqa qedem qoydighanliqini ilgiri sürgen. Altun bayéw, qazaqistanning atlamish "üch xil küchler" ge qarshi xitay bilen hemkarlishishqa teyyar ikenlikini bildürgen.

Xitay da'irliri sherqiy türkistan musteqilchiliri, béyjing bilen oxshimighan pikirdiki Uyghur siyasi we diniy zatlirini "üch xil küchler", dep basturmaqta.

Saw gu'angchü'enning eskertishiche, xitay bilen qazaqistan bilen herbiy munasiwetlirini ilgiri sürüshke alahide ehmiyet béridiken.

Analizchilar, xitay - qazaqistan munasiwetlirining kélechiki Uyghur aptonom rayoni weziyitige pewqullade tesir körsitidighanliqini bildürmekte. Xitayning qazaqistan bilen herbiy we her qaysi sahelerdiki munaswitini kücheytishke intilishidiki sewebler, sherqiy türkistan herikitining rayonda tekrar küchiyishini tosashtur.

Qazaqistan bu yil 7- ayda xitay we rusiye bilen birge amérikining qirghizistan we özbékistandiki qoshunlirini élip chip kétishni telep qilghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.