Қирғизистан: оттура асияда һизбул тәқриричиләрниң сани 10 миңға йетиду

2004-12-03
Елхәт
Пикир
Share
Принт

Қирғизистан дөләт бихәтәрлик министирлиқиниң әмәлдари бегеҗан ақмәдоф, оттура асияда һизбул тәқрир партийисини қоллайдиған кишиләрниң сани 10 миңға йетидиғанлиқини билдүргән.

Интер факс ахбарат агентлиқиниң бегеҗан ақмәдофниң сөзини нәқил кәлтүрүшичә, қирғизистанниң өзидики һизбул тәқрирчиләрниң сани 3 миңға йетидикән. Бегеҗан әқмәдоф, мәзкур тәшкилатниң қоллиғучилириға қорал ишлитиш, партлитиш техникисини өз ичигә алған һәрбий тәлим тәрбийә елип бериливатқанлиқини билдүргән. У, һизбул тәқрир партийисиниң қоллиғучилири юқириқи вастилар билән қирғизистанда ислам дөлити қурушқа уруниватқанлиқини илгири сүргән.

Ақмәдоф, мәзкур партийиниң оттура асия әллиридики яшлар арисида кеңийиватқанлиқини, һизбул тәқрирчиләрниң малийә мәнбәси асаслиқи чәтәлдин келидиғанлиқини тәкитлигән. Бирақ оттура асиядики һизбул тәқрир партийисиниң тәшкили қурулмиси һазирға қәдәр ташқий дуняға ениқ болған мәсилә әмәс. Оттура асия әллири мәзкур партийини террорчилиқ билән мунасивәтлик қилип көрситишкә тиришп кәлгән болсиму бирақ, һизбул тәқрирчиләр ислам дөлити қуруш йолидики пиланини тинч вә қануни йол билән әмәлгә ашуридиғанлиқини әскәртип кәлди. (Әркин)

Пикирләр (0)
Share
Толуқ бәт