Höseyinjan qarimni qutquzush pa'aliyetliri qanat yaymaqta

Höseyinjan qarimning özbékistan da'iriliri teripidin tutulghanliq xewiri tarqalghandin kéyin, dunyadiki pütün Uyghur teshkilatliri, höseyinjan qarimni qutquzush üchün jiddiy pa'aliyet bashlidi.

Uyghur kishilik hoquq we démokratiye herikitining rehbiri rabiye qadir xanim amérikida turushluq kanada bash elchisige xet yézip, kanada hökümitidin höseyinjan qarimni qutquzush üchün jiddiy tirishchanliq körsitishni telep qildi. Rabiye xanim kanada bash elchisige yazghan xéitide, uyghularning nöwettiki ehwali toghrisida melumat bérip, eger höseynjan qarim özbékistan hökümiti teripidin xitaygha qayturulsa, uning qandaq dehshetlik bir aqiwetke duch kélidighanliqini chüshendürgen.

Merkizi gérmaniyining myunxén shehiridiki dunya Uyghur qurultiyimu gérmaniyide turushluq kanada bash elchisige xet yézip, kanada hökümitidin höseyinjan qarim mesilsige nahayiti jiddiy qarishini telep qilghan. Shundaqla Uyghur amérika birleshmisi hem washn'gtonda turushluq kanada bash elchisige hemde xelq'ara kishilik hoquq teshkilatlirigha murajet qilip,ulardin höseyinjan qarimni qutquzush üchün barliq tirishchanliqini körsitishini telep qilghan.

Xelq'ara kechürüm teshkilati bolupmu merkizi amérikining nyuyork shehiridiki kishilik hoquqni közitish teshkilati qatarliq xelq'ara teshkilatlarmu höseyinjan qarimning mesilisige qattiq köngül bölöwatidu.

Höseyinjan qarim kanada puqrasi bolghanliqi üchün, uni qutquzush pa'aliyitining asasliq qismi kanada Uyghur birleshmisi teripidin élip bérilmaqta. Kanada Uyghur birleshmisining re'isi memet toxti, höseyinjan qarimni qutquzush üchün hazirghiche élip bérilghan pa'aliyetler heqqide melumat berdi. (Ömer qanat)