Qazaqistanda Uyghurshunasliq ilmiy muhakime yighini ötküzüldi


2005.09.30

30 - Séntebir küni qazaqistan paytexti alma-atada, qazaqistan penler akadémiyisi ghoja'exmet seydiwaqasow namidiki Uyghurshunasliq merkizining uyushturushi bilen, xelq'ara Uyghurshunasliq ilmiy muhakime yighini ötküzüldi. Yighinning témisi Uyghur tili, medeniyiti, tarixiy we ijtima'iy- iqtisadi mesililerge chétilghan.

Bu qazaqistanda 1991 - yili sabiq sowét ittipaqi tarqilishtin sel ilgiri ötküzülgen xelq'ara Uyghurshunasliq ilmiy muhakime yighinidin kéyin chaqirilghan Uyghurlar heqqidiki tunji xelq'ara ilmiy muhakime yighini bolup hésablinidu.

Gerche bu qétimqi yighinning kölimi kichikrek bolsimu, emma yenila xelq'ara tüs alghan shundaqla yéngi weziyet astida chaqirildi. Uyghurshunasliq ilmiy sabiq sowét ittipaqi dewride nahayiti güllen'gen bolup, qazaqistan penler akadémiyisi qarmiqida mexsus Uyghurshunasliq inistituti qurulghan idi. Emma bu inistitut qazaqistan musteqil bolghandin kéyin, qazaqistan penler akadémiyisi sherqshunasliq inistitutining qarmiqidiki Uyghurshunasliq merkizige özgertilgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.