Кишилик һоқуқ тәшкилатлири өзбекистанға имбарго қоюшни тәләп қилди


2005.09.19

Дуняви тәсиргә игә кишилик һоқуқ тәшкилатлиридин хәлқара кәчүрүм тәшкилати билән кишилик һоқуқни көзүтүш тәшкилати, өзбекистан даирилирини әнҗан вәқәсиниң һәқиқи әһвалини йошуруш билән тәнқидләп, америка вә явропа иттипақини өзбекистанға имбарго қоюшқа чақирди.

Кишилик һоқуқни көзүтүш тәшкилати, вашингтон билән брюсселниң өзбекистанға қорал - ярақ имбаргоси, юқири дәриҗилик өзбек әмәлдарларға виза вә сода имбаргоси қоюшини тәләп қилди. Хәлқара кәчүрүм тәшкилати, керомиф һөкүмитини әнҗан вәқәсигә даир пакит вә матирялларни вәйран қилиш, пуқраларниң мухбирларға вәқә тоғрисида мәлумат беришигә тосалғу болмақта, дәп әйиплиди.

Кәчүрүм тәшкилатиниң өзбекистан ишлири бойичә мәсули мәйсий вейчирдиң, "һөкүмәт әнҗанда йүз бәргән вәқәниң һәқиқи әһвалини йошурмақта," дәйду.

Өзбекистан тәптиш даирилириниң ашкарилишичә, әнҗан вәқәсигә йитәкчилик қилиш билән әйибләнгән тунҗи түркүмдики 15 кишиниң соти сәйшәнбә күни башлиниду. Даириләр бу кишиләрни әнҗан вәқәсини уюштуруш, қан төкүлүшкә сәвәбчи болуш, хәлқара ғул-ғула пәйда қилиш билән әйибләйдикән.

Президент керимоф, хәлқара җәмийәтниң әнҗан вәқәси үстидин тәрәпсиз тәкшүрүш елип бериш тоғрисидики тәлипини рәт қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.