Kishilik hoquq teshkilatliri özbékistan'gha imbargo qoyushni telep qildi

Dunyawi tesirge ige kishilik hoquq teshkilatliridin xelq'ara kechürüm teshkilati bilen kishilik hoquqni közütüsh teshkilati, özbékistan da'irilirini enjan weqesining heqiqi ehwalini yoshurush bilen tenqidlep, amérika we yawropa ittipaqini özbékistan'gha imbargo qoyushqa chaqirdi.

Kishilik hoquqni közütüsh teshkilati, washin'gton bilen bryussélning özbékistan'gha qoral - yaraq imbargosi, yuqiri derijilik özbék emeldarlargha wiza we soda imbargosi qoyushini telep qildi. Xelq'ara kechürüm teshkilati, kéromif hökümitini enjan weqesige da'ir pakit we matiryallarni weyran qilish, puqralarning muxbirlargha weqe toghrisida melumat bérishige tosalghu bolmaqta, dep eyiplidi.

Kechürüm teshkilatining özbékistan ishliri boyiche mes'uli meysiy wéychirding, "hökümet enjanda yüz bergen weqening heqiqi ehwalini yoshurmaqta," deydu.

Özbékistan teptish da'irilirining ashkarilishiche, enjan weqesige yitekchilik qilish bilen eyiblen'gen tunji türkümdiki 15 kishining soti seyshenbe küni bashlinidu. Da'iriler bu kishilerni enjan weqesini uyushturush, qan tökülüshke sewebchi bolush, xelq'ara ghul-ghula peyda qilish bilen eyibleydiken.

Prézidént kérimof, xelq'ara jem'iyetning enjan weqesi üstidin terepsiz tekshürüsh élip bérish toghrisidiki telipini ret qilghan. (Erkin)