Qazaqistan éntérnét kontrolliqini kücheytish pilanini yolgha qoydi

Royétris agéntliqining 6 ‏- iyul küni bergen xewirige qarighanda, qazaqistan da'iriliri, gherb ellirining qattiq tenqidi we bésimigha qarimay, éntérnét uchurlirini öz ichige alghan metbu'at erkinlikini kontrol qilidighan bir qanun layihisini otturigha qoydi.

Hetta téléwiziye muxbirlirining erkinlikini boghushnimu öz ichige alghan mezkür qanun layihisi, mushu hepte resmiy yolgha qoyuldi. Biraq mezkür layihe qazaqistanda kishilerning küchlük naraziliqini qozghidi.

Qazaqistanning wirimya gézitining ziyaritini qobul qilip , bu heqte toxtalghan qazaqistan axbarat ministiri yarmuhammet yértisbayéf": bizning meqsitimiz peqet , qazaq éntérnét tor betliridiki paskinichiliqlarni tazilashtin ibaret " dep tekitligen.

Xewerlerge qarighanda, qazaqistandiki zonakz.net Qatarliq tor betliride nur sultan nazarbayéfning siyasitini tenqid qilidighan maqale we obzorlar élan qilin'ghan bolup, qazaqistan da'iriliri bu xil tor betlerning dawamliq mewjüt bolup turushini xalimighanliqi üchün, mezkür qanun layihisini yolgha qoyghan.

Qazaqistandiki 15 milyon nopusning 4 milyon'gha yéiqni éntérnét meydanigha kiridu. Shundaqla torgha kiridighan qazaq yashlirining köpinchisi hökümetke qarshi öktichilerni qollaydu we ulargha hésdashliq bildüridu. (Eqide)