Xu jintaw özbékistan'gha tekrar prézidént bolghan kérimofni tebriklidi
2007.12.25
Xitay dölet re'isi xu jintaw xelq'ara jama'et teripidin qattiq tenqid qilin'ghan , gumanliq bir saylam bilen qaytidin özbékistan prézidént wezipisige saylan'ghan islam kérimofni tebriklidi.
Shinxu'a agéntliqining xewer qilishiche, xu jintaw seyshenbe küni, islam kérimofqa ewetken tebrik xétide, xitay bilen özbékistan otturisidiki ishench we dostluq munasiwetlerni téximu kücheytish üchün, kerimof bilen birge ishleshke teyyar ikenlikini ipadiligen.
Özbékistandiki saylamning élip bérilish jeryanini közetken, yawrupa bixeterlik we hemkarliq teshkilati, yekshenbe künidiki prézidént saylimining démokratik ölchemlerge xilap halda élip bérilghanliqini tekitligen idi.
Gerche, prézidént saylimigha, islam kerimoftin bashqa yene üch prézidént namzati qatnashqan bolsimu, lékin özbékistan siyasiy öktichiliri we xelq'ara kishilik hoquq teshkilatliri özbékistan xelqighe anche tonush bolmighan bu kishilerning islam kerimofning orunlashturushi bilen, xelq'ara jama'etke prézidént saylimining démokratik prinsiplar asasida élip bérilghanliqini körsitish üchün meqsetlik halda, özlirini namzat qilip körsetkenlikini bayan qilishmaqta.
Siyasiy mulahizichilerning éytishiche, özbékistan prézidént saylimida özini namzat körsetken üch prézidént namzitining , saylam pa'aliyiti jeryanida, prézidént islam kérimofni qollaydighanliqini izchil tekitligenliki, buning özbékistandiki hakimiyetning bir siyasiy oyuni ikenlikidin bisharet béridiken. (Eqide)
Munasiwetlik maqalilar
- Özbékistanda élip bérilghan prézidént saylimida islam kerimof utup chiqti
- Islam kerimof yene prézidént bolidu
- Özbékistan prézidént saylimi
- Öktichiler qirghizistandiki saylamning adil élip bérilmighanliqini bildürmekte
- Qirghizistanda saylam xulasisi chiqti
- Qirghizistanda parlamént saylimi ötküzüldi
- Qirghizistan parlamént saylimi
- Qazaqistan yawropa bixeterlik we hemkarliq teshkilatining re'is döliti bolidu
- Shangxey guruhigha eza döletlerning medeniyet xadimlirining bilim ashurush kursi ürümchide ötküzüldi
- Wu banggwo, sherqiy türkistan küchlirini basturushta yardem bergen özbékistan'gha rexmet éytti