Қирғизистан парламенти дүшәнбә күни әсқәр ақайофниң истипасини қобул қилип, мушу йил 10 - июл күни қирғизистанда президент сайлими елип берилидиғанлиқини җакарлиди.
Қирғизистан парламентиниң рәиси өмәрбек тәкәбайофниң билдүрүшичә, президент сайлиминиң бурун пиланланғандин кейинрәк бир күнгә илинғанлиқи, президент кандидатлириға сайламға тәйярлиқ көрүш үчүн көпрәк вақит беришни мәқсәт қилидикән. Қирғизистанниң йеңи рәһбәрлири дәсләптә президент сайлиминиң мушу йил 6 - ай ичидә елип берилидиғанлиқини билдүргән иди.
Өткән җүмә күни қирғизистан парламенти ақайофни нурғун имтиязлиридин мәһрум қилған болуп, униң туғқанлириниң җавабкарлиққа тартилмаслиқ һоқуқини бикар қилған иди.
Бу арида дүшәнбә күни қирғизистан алий соти қирғизистандики президент сайлимида қурманбик бақийифниң рәқиби болуш еһтималлиқи күчлүк болған сиясий өктичи филикс қолофға артилған йәнә бир җинайәтниму ақлап чиқти.
Сабиқ қирғизистан миллий бихәтәрлик кеңишиниң рә иси вә бишкәк шәһәр башлиқи филикс қолоф, 2000 - йили чериклик билән әйиблинип қолға илинған иди. Лекин қирғизистан сиясий өктичилири қолофниң қолға елинишиниң ақайоф һакимийитиниң бир сиясий оюни икәнликини җакарлиған. (Қанат)
Мунасивәтлик мақалилар
- Қирғизистан парламенти, сабиқ президент ақайевниң алаһидә имтиязлирини бикар қилди
- Қирғизистан парламенти әсқәр ақайефниң истипасини қобул қилишни кечиктүрди
- Қирғиз соти феликс қулуфқа берилгән бир җинайәтни әмәлдин қалдурди
- Ағдуруветилгән қирғизистан президенти ақайев истипа бәрди
- Ақайеф хизмитидин рәсмий истипа бәрди
- Әсқәр ақайеф вәзиписидин истипа беришкә қошулди
- Бирюсселда хитайниң “уйғур мәҗбурий әмгики” гә қарши чуқанлар
- Йеңи бихәтәрлик тәдбири: “тәрбийәләш” һәққидә еғиз ачмаслиқ вә телефонини чәтәлдин урулмайдиған қиливетиш
- Лагер айриған ана-балиниң “әлләй нахшиси” японийәдә яңриди
- Мутәхәссисләр: ислам дини уйғурларниң хитайға ассимилиятсийә болуп кәтмәсликидики әң күчлүк қалқандур
- Йүзләрчә уйғурлар җәнвәдики б д т бинаси алдида намайиш елип барди
