Qirghizistan parlaminti aqayofning istipasini qobul qildi


2005.04.11
Share on WhatsApp
Share on WhatsApp

Qirghizistan parlaménti düshenbe küni esqer aqayofning istipasini qobul qilip, mushu yil 10 - iyul küni qirghizistanda prézidént saylimi élip bérilidighanliqini jakarlidi.

Qirghizistan parlaméntining re'isi ömerbék tekebayofning bildürüshiche, prézidént saylimining burun pilanlan'ghandin kéyinrek bir kün'ge ilin'ghanliqi, prézidént kandidatlirigha saylamgha teyyarliq körüsh üchün köprek waqit bérishni meqset qilidiken. Qirghizistanning yéngi rehberliri deslepte prézidént saylimining mushu yil 6 - ay ichide élip bérilidighanliqini bildürgen idi.

Ötken jüme küni qirghizistan parlaménti aqayofni nurghun imtiyazliridin mehrum qilghan bolup, uning tughqanlirining jawabkarliqqa tartilmasliq hoquqini bikar qilghan idi.

Bu arida düshenbe küni qirghizistan aliy soti qirghizistandiki prézidént saylimida qurmanbik baqiyifning reqibi bolush éhtimalliqi küchlük bolghan siyasiy öktichi filiks qolofgha artilghan yene bir jinayetnimu aqlap chiqti.

Sabiq qirghizistan milliy bixeterlik kéngishining re isi we bishkek sheher bashliqi filiks qolof, 2000 - yili chériklik bilen eyiblinip qolgha ilin'ghan idi. Lékin qirghizistan siyasiy öktichiliri qolofning qolgha élinishining aqayof hakimiyitining bir siyasiy oyuni ikenlikini jakarlighan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.