Özbék –qirghiz munasiwetliridiki ixtilaplar köpeymekte


2005.09.11

Yéqinda özbékistan hökümitining qirghizistanni enjan weqesini peyda qilghuchi ademlerning baza qurushigha yol échip bergenlik bilen eyiblishidin kéyin, qirghizistan terep bu eyibleshlerni qet'iy ret qilghan shuningdek yene özbékistan qanun da'iriliri bilen birliship, özbékistan körsetken nuqtilar boyiche diniy esebiy unsurlarning bazisining bar yoqluq ehwali üstide birleshme tekshürüsh élip barghan. Netijide, özbékistan bash teptish mehkimisi mundaq nuqtilarning qirghizistandin tépilmighanliqini élan qilghan.

Qirghizistan dölet mudapi'e ministiri isma'il issaqop özbékistan da'iriliri körsetken atalmish térrorchilarni terbiyiligen " teke " namliq herbiy-telim terbiye merkizi heqqide toxtilip, bu orunning mewjut ikenliki, emeliyette bu jayning peqet qirghizistan dölet mudapi'e ministirliqining öz qoshunlirigha herbiy-telim terbiye béridighan nuqtisi ikenliki, uning her qachan qoghdighuchi qoshunlar teripidin qoghdilinidighanliqi shuningdek diniy radikallar teripidin paydilinip kétishining mumkin emeslikini körsetken.

Qirghizistan milliy bixeterlik orginimu özbékistan bash teptish mehkimisining bu jayda enjan weqesini keltürüp chiqarghuchilarning terbiyelen'genliki heqqidiki melumatidin heyranliq hés qilghanliqini eskertken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.