Jenubiy koriye prizdénti qazaqistanni ziyaret qildi


2004-09-19
Share

Jenubiy koriye prizdénti ro- mu- xyun yekshenbe küni qazaqistan paytexti astana'igha kélip, qazaqistan bilen rusiyige qilidighan ziyaritining tunji békitini aldi bilen qazaqistandin bashlidi.

Néfit - énérgiye hemkarliqi bilen jenubiy koriye éléktron mehsulatlirigha qazaqistan bazirining yolini échish, ro- mu - xyunning qazaqistandiki ziyaritining asasi küntertipini igileydu. Jenubiy koriye dunya boyiche 11 -chong iqtisadi dölet. Jenubiy koriye özige kéreklik xam eshyaning mutleq köp qisimini sirttin import qilidu. Néfit importining asasi qisimi ottura sherqtin kélidu. Ro - mu xyun, qazaqistandiki ziyariti jeryanida prézidént nazarbayof söhbet ötküzidu, qazaqistandiki koriyilik köchmenler wekillirini qobul qilidu.

Qazaqistandiki koriyilik köchmenler, 1937 - yili sabiq sowét ittipaqi diktatori joséf stalin dewride sowét ittipaqining yiraq sherq rayonidin ottura asiya ellirige sürgün qilin'ghan. Jenubiy koriye tashqi ishlar ministiri ban ki - mun, qazaqistanning jenubiy koriyeni tebi'iy bayliqlar bilen, jenubiy koriyening qazaqistanni téxnika bilen teminlesh jehette artuqchiliqqa igilikini tekitligen. Jenubiy koriye qazaqistandin uranyum import qilishni ümid qilidu, jenubiy koriye néfit shirketliri, qazaqistanning munaygaz shirkiti bilen kespiy déngiz néfitlikige meblegh sélish ümidini ipadilimekte. Jenubiy koriye prizdéntining qazaqistandin kéyin rusiyige qilidighan ziyariti düshenbe küni bashlinidu. Roytérs axbarat agéntliqining xewer qilishiche, ban ki- mun, shimali koriye mesilisi jenubiy koriye prizdéntining moskwadiki ziyaritining küntertipidiki muhim mesile hisablinidighanliqini ilgiri sürgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet