Қазақистан билән японийә атом енергийә тохтими түзди


2007-04-30
Share

30 ‏- Април дүшәнбә күни, қазақистан билән японийә атом енергийә тохтими түзди. Қазақистан дөләтлик атом енергийә ширкити мәсулиниң билдүрүшичә, мәзкур тохтам қазақистанниң японийигә експорт қилидиған уран миқдарини ашурушқа мунасивәтлик болған 24 түрни оз ичигә алидикән.

Қазақистан дөләтлик атом енергийә ширкити KazAtomProm ниң баянатиға асасланғанда, тохтам японийә сода министири акира амари вә японийә атом енергийә сода ширкәтлири хадимлириниң қазақистан зиярити җәрянида түзүлгән икән.

японийидә тәбий байлиқлар интайин кәмчил болуп, ток ишләпчиқириш асасән атом енергийисигә тайиниду.

Бирләшмә агентлиқиниң 30 ‏- април қазақистандин бәргән мәлуматиға қариғанда, қазақистанниң японийигә експорт қилидиған уран тәминати 2010 ‏- йилиға барғанда 4 миң тонниға йеқинлишип японийә уран еһтияҗиниң 40 пирсәнтини тәмин етидикән. Униңдин башқа қазақистан, америка, хитай, җәнубий корийә қатарлиқ дөләтләргә уран сатиду.

Қазақистанниң 2006- йиллиқ уран ишләпчиқириш мәһсулат миқдари 5миң 279 тонна әтрапида болуп, 2010 - йилиға кәлгәндә 7 миң 646 тонниға йәткүзүш пиланланған.

Өткән йили, қазақистанниң казатомпром енергийә ширкити японийә кансаи електир енергийси ширкити вә сумитомо ширкити билән җәнубий қазақистанда һәмкарлишип уран кани ечиш тохтими түзгән иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт