Qazaqistan bilen yaponiye atom énérgiye toxtimi tüzdi


2007-04-30
Share

30 ‏- April düshenbe küni, qazaqistan bilen yaponiye atom énérgiye toxtimi tüzdi. Qazaqistan döletlik atom énérgiye shirkiti mes'ulining bildürüshiche, mezkur toxtam qazaqistanning yaponiyige éksport qilidighan uran miqdarini ashurushqa munasiwetlik bolghan 24 türni oz ichige alidiken.

Qazaqistan döletlik atom énérgiye shirkiti KazAtomProm ning bayanatigha asaslan'ghanda, toxtam yaponiye soda ministiri akira amari we yaponiye atom énérgiye soda shirketliri xadimlirining qazaqistan ziyariti jeryanida tüzülgen iken.

Yaponiyide tebiy bayliqlar intayin kemchil bolup, tok ishlepchiqirish asasen atom énérgiyisige tayinidu.

Birleshme agéntliqining 30 ‏- april qazaqistandin bergen melumatigha qarighanda, qazaqistanning yaponiyige éksport qilidighan uran teminati 2010 ‏- yiligha barghanda 4 ming tonnigha yéqinliship yaponiye uran éhtiyajining 40 pirsentini temin étidiken. Uningdin bashqa qazaqistan, amérika, xitay, jenubiy koriye qatarliq döletlerge uran satidu.

Qazaqistanning 2006- yilliq uran ishlepchiqirish mehsulat miqdari 5ming 279 tonna etrapida bolup, 2010 - yiligha kelgende 7 ming 646 tonnigha yetküzüsh pilanlan'ghan.

Ötken yili, qazaqistanning kazatomprom énérgiye shirkiti yaponiye kansa'i éléktir énérgiysi shirkiti we sumitomo shirkiti bilen jenubiy qazaqistanda hemkarliship uran kani échish toxtimi tüzgen idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet