Kishilik hoquqni közütüsh teshkilati kérimof hökümitini "qetli'am" élip bérish bilen eyiplidi


2005.06.07
Share on WhatsApp
Share on WhatsApp

Merkizi amérikidiki kishilik hoquqni közütüsh teshkilati, kérimof hökümitining ötken ayda élip barghan enjandiki basturush herikitini "qetli'am," dep eyiplidi. Mezkur organ, amérika bilen yawropa ittipaqi özbékistan hökümiti weqeni tekshürüshke yol qoyghan'gha qeder, kérimof hökümiti bilen hemkarlishishni toxtutush kérek, dep chaqirdi.

Kishilik hoquqni közütüsh teshkilatining mudiri kénis ros, " öltürülgenler sanining köplüki we bixeterlik küchlirining biperwaliqini qetli'am, dep chüshendürüsh mumkin," dep körsetti. Ros, amérikining tashkent bilen ötküzüwatqan özbékistanda da'imi herbiy baza qurush söhbitini tonglitishini telep qilip, " biz yawropa ittipaqining özbékistan bilen élip bériwatqan hemkarliqini toxtitishini telep qilimiz," dédi.

Kishilik hoquqni közütüsh teshkilatining tekitlishiche, özbékistan bixeterlik küchliri puqralargha qalaymiqan oq chiqarghan.

Kérimof hökümiti enjandiki isyanni basturush jeryanida ölgen 173 kishining herbilerni öz ichige alidighanliqini bildürmekte. Emma kishilik hoquqni qoghdighuchilarning ashkarilishiche, weqede ölgenlerning sani 700 din ashidiken.

Rosning tekitlishiche, namayishchilarni tarqitiwétishke barghan qisimlar, merkizi meydandiki 300 kishilik namayishchilar qoshunining hemmisini étip tashlighan. Kishilik hoquqni közütüsh teshkilati, kérimof hökümitining weqe toghrisidiki chüshendürüshini pütünley toghra emes, dep körsetti. Prézidént kérimof, enjandiki isyanni esebiy diniy küchler qozghidi, dep jakarlighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.