Özbékistan bilen rusiye ittipaqdashliq shertnamisi tüzmekchi

Rusiyining xewerler agéntliqining ashkarilishiche, özbékistan prézidénti islam kérimof 14- noyabir küni moskwani ziyaret qilip, rusiye prézidénti wladimir putin bilen ikki dölet hemkarliqi mesiliside ortaq pikir hasil qilidu. Rusiye agéntliqining uchurida éytilishiche, islam kérimof bu qétim wladimir putin bilen rusiye-özbékistan ittipaqdashliq shertnamisige qol qoyidiken. Bu shertname 2004-yili tüzülgen özbékistan-rusiye istratégiyilik hemkarliq kélishimini asas qilghan bolup, buningdin kéyin özbékistan bilen rusiyining munasiwiti istratégiyilik hemkarliqtin ittipaqdashliq munasiwet derijisige kötürülüp, munasiwet téximu qoyuqlishidiken.

Amérikida yashaydighan özbékistan öktichi siyasiyonliri islam kérimof bilen wladimir putin arisida tüzülidighan ittipaqdashliq kélishimini, islam kérimofning özbékistanni qaytidin rusiyining kontrolluqigha baghlash shuningdek uning rusiye bilen ittipaq tüzüsh arqiliq démokratik islahat élip bérishni telep qiliwatqan amérika bilen qarshilishishi dep qarimaqta. Xewerde körsitilishiche, özbékistan rusiye bilen herbiy hemkarliq we bixeterlik sahesidiki hemkarliqni kücheytishni xalaydighanliqini bildürgen. (Ümidwar)