Өткән җүмә күни кәшмирниң пайтәхти җамбул шәһриниң 100 километир шималидики бир мәһәллидә қар көчүш йүз берип 38 адәм өлгән. Мәһәллидики бир қисим өйләр қарниң тегидә қалған.
Йеңи зилландийә гезитлирида хәвәр қилишичә, кәшмирдә йүз бәргән қар көчүш сәвәбидин шу райондики муһим йолларда қатнаш өксүп қалған. Бир йерим километрлиқ узунлуқтики җаваһир тонили тақилип кәткән. Америка авазиниң баян қилишичә, өткән һәптидә пакистанниңму бәзи җайлирида қар көчүш апити йүз бәрсә, йәнә бәзи җайлирида көлләр тешип су апити йүз бәргән иди.
Пакистан даирилиниң мәлум қилишичә, пакистанда өткән һәптидә йүз бәргән қар көчүш вә көл тешиш апәтлиридә 340 адәм өлгән, 1500 адәм қутқузивелинған. 35 Мәһәллидә йәнә 400 дин артуқ адәмниң из- дерики йоқ.
2 - Айниң 13 - күни франсийә тарқатқан йәр шари характерлиқ агаһландурушта, дуняниң тағлиқ районлирида температура өрләш һадисилири болуватқанлиқи, бундақ һадисиниң қар көчүш, йәр тәврәш, көл тешиш апәтлиригә сәвәбчи болуши мумкинлики баян қилинған.
Бу агаһландуршта йәнә 2004 - йили 12 - айниң 26 - күни шәрқи җәнуби асияда деңиз ташқини йүз берип 284 миң адәм өлүп кәткәнлики алаһидә месал қилинған. Бир қисим алимларниң тәсәввур қилишичә, әгәр йәр шарида температура өрләш мушундақ давам қиливәрсә, йәнә 50 йилда һималая тағ тизмилиридики қарлиқларда қар көчүш, музлуқларда муз чөкүш һадисилири йүз берип, униң әтрапидики җайларда чоң апәт йүз бериши мумкин. (Вәли)
Мунасивәтлик мақалилар
- "шинҗаңдики лагерларни издәш" намлиқ син көрүнүшидики лагерлар күчлүк ғулғула қозғиди
- Һиндистандин кәлгән вәкил: "бизниң мәқситимиз уйғур тилини өгинип, кимликимизни қоғдап қелиш"
- Абу-зәбидә өткүзүлгән дуня мусабиқисидә үч нәпәр уйғур маһир чемпийон болди
- Дуня уйғур қурултийиниң сайлими вә уйғур даваси (нәзәр 56-сан)
- Мәрһум сәнәткар мәһмут сулайман: "аңлиғин достум биздин ривайәт"
