Хитай билән қирғизистан бирликтә хитай маллирини тарқитидиған сода мәркизи ачмақчи

Оттура асияда хитай маллирини топ вә парчә сатидиған әң чоң сода мәркизи 2004 - йили 10 - айда қирғизистан пайтәхти бешкәк шәһиридә ечилмақчи.

Хитай даирилириниң мәлуматлириға қариғанда, "бүйүк таң хитай маллирини тарқитиш мәркизи" дәп нам берилгән бу сода мәркизини хитайниң уйғур елидики даде ширкити билән қирғизистан даирилири бирлишип қурған.

Мәлуматларға қариғанда, мәзкур сода мәркизи хәлқара өй җаһазилири шәһәрчиси, електр-учур сайманлири шәһәрчиси , хәлқара көргәзмә мәркизи, хәлқара қурулуш әшялири шәһәрчиси қатарлиқ кичик шәһәрчиләрдин түзүлгән.

Хитай даирилири, "бүйүк таң хитай маллирини тарқитиш мәркизи" ни ечиш арқилиқ, оттура асия базирини игиләш вә хитайниң шәрқи деңиз бойи районлиридики карханилириниң оттура асияға киришигә пурсәт яритип беришни мәқсәт қилидиғанлиқини билдүрмәктә.

Әмма чәтәлдики бир қисим уйғур паалийәтчилири,мәзкур сода мәркизиниң ечилиши оттура асияда еғир бесим астида тирикчилик қиливатқан уйғур содигәрлириниң тиҗаритиниң техиму қийинлаштуриветидиғанлиқидин әндишә қилмақта. (Арзу)