Xitay bilen qirghizistan birlikte xitay mallirini tarqitidighan soda merkizi achmaqchi

Ottura asiyada xitay mallirini top we parche satidighan eng chong soda merkizi 2004 - yili 10 - ayda qirghizistan paytexti béshkek shehiride échilmaqchi.

Xitay da'irilirining melumatlirigha qarighanda, "büyük tang xitay mallirini tarqitish merkizi" dep nam bérilgen bu soda merkizini xitayning Uyghur élidiki dadé shirkiti bilen qirghizistan da'iriliri birliship qurghan.

Melumatlargha qarighanda, mezkur soda merkizi xelq'ara öy jahaziliri sheherchisi, éléktr-uchur saymanliri sheherchisi , xelq'ara körgezme merkizi, xelq'ara qurulush eshyaliri sheherchisi qatarliq kichik sheherchilerdin tüzülgen.

Xitay da'iriliri, "büyük tang xitay mallirini tarqitish merkizi" ni échish arqiliq, ottura asiya bazirini igilesh we xitayning sherqi déngiz boyi rayonliridiki karxanilirining ottura asiyagha kirishige purset yaritip bérishni meqset qilidighanliqini bildürmekte.

Emma chet'eldiki bir qisim Uyghur pa'aliyetchiliri,mezkur soda merkizining échilishi ottura asiyada éghir bésim astida tirikchilik qiliwatqan Uyghur sodigerlirining tijaritining téximu qiyinlashturiwétidighanliqidin endishe qilmaqta. (Arzu)