Özbékistan ressamliri ürümchide körgezme pa'aliyiti élip

Xitay axbarat wastilirining uchurliridin melum bolushiche, özbékistan ressamlar akadémiyisi bilen Uyghur aptonom rayonluq ressamlar akadémiyisi birlikte ürümchide yette künlük körgezme pa'aliyiti élip barghan bolup, buningda asasliqi özbékistan ressamlirining eng nadir eserliri körgezme qilin'ghan.

Uchurlardin qarighanda, bu pa'aliyet Uyghur aptonom rayonluq hökümetning uyushturushi bilen teshkillen'gen bolup, bu shangxey hemkarliq teshkilatining ramkisi astidiki medeniyet alaqiliri katégoriyisige kirgüzülgen.

Özbékistan ressamliri ichide ataqliq Uyghur ressami lékim ibrahimopmu bar bolup, qazaqistanda ösüp yétilip, tashkentte xizmet qiliwatqan mezkur Uyghur ressami sabiq sowét ittipaqi jümlidin yawropa ressamliq sahesige yaxshi tonulghandur. Uning eserliri gherb memliketlirining yuqiri bahasigha érishken.

Uchurlardin qarighanda, lékim ibrahimop ming öy tam resimlirini eslige keltürüsh, uni uslubi tetqiq qilishqimu alahide küch chiqarghan iken.

Özbékistan ressamlirining eserliri ataqliq Uyghur ressamliridin ghazi emet, kérim nesiridin qatarliqlarningmu maxtishigha sazawer bolghan bolup, bu Uyghur- özbék sen'etkarlirining yéqinqi yillardin buyanqi tunji qétimliq tejribe almashturushi bolup hésablinidiken. (Ümidwar)