Түркмәнистан мустәқил дөләтләр һәмдостлуқидин чиқип кәтти

Русийиниң lénta.ru Агентлиқиниң учуридин мәлум болушичә, оттура асиядики түркмәнистан җумһурийити 13 йилдин буян әза болған мустәқил дөләтләр һәмдостлуқидин рәсми чиқип кетидиғанлиқини мәзкур тәшкилатниң қазанда өткүзүлгән йиллиқ йиғинида оттуриға қойған.

Түркмәнистан президенти сәпәр мурат ниязоп мустәқил дөләтләр һәмдостлуқиға әза дөләтләр башлиқлириниң йиғиниға өзи бивастә қатнашмай , пәқәт муавин баш министирини әвәткән. Түркмәнистанниң бу һәрикити әслидин лиңшип қалған мустәқил дөләтләр һәмдостлуқиға сәлбий тәсирләрни көрсәткән болуп, йиғин қатнашқучилири қандақ қилип, түркмәнистанни мәзкур тәшкилат тәркибидә сақлап қелишни музакирә қилған болсиму, әмма үнүмгә еришәлмигән. Демәк , түркмәнистан оттура асиядики мустәқил дөләтләр һәмдостлуқидин биринчи болуп чиқип кәткән дөләткә айланди.

Мулаһизичиләр сәпәр мурат ниязопниң бу қәдиминиң башқа мәмликәтләрниңму москваниң тәсири астидин үзүл-кесил қутулуши үчүн үнүмлүк рол ойниши мумкин дәп қаримақта. (Үмидвар)