قىرغىزىستان-خىتاي-ئۆزبېكىستان تۆمۈر يولىغا خىتاي شىركەتلىرى جەلىپ قىلىندى


2006-01-02
Share

قىرغىزىستاننىڭ دۆلەتلىك " قابار" ئاگېنتلىقىنىڭ ئۇچۇرىدىن قارىغاندا، ئۇيغۇر ئېلىنىڭ قەشقەر ۋىلايىتى بىلەن قىرغىزىستان ھەم ئۆزبېكىستاننى تۇتاشتۇرىدىغان تۆمۈر يول قۇرۇلۇشى خىتاي-قىرغىزىستان ھۆكۈمەتلىرى تەرىپىدىن قارارلاشتۇرۇلغاندىن كېيىن، خىتاي شىركەتلىرى بۇ قۇرۇلۇش ئۈچۈن مەبلەغ سالىدىغانلىقىنى بىلدۈرگەن.

قىرغىزىستان دۆلەتلىك تۆمۈر يول ئىدارىسىنىڭ باشلىقى قىدىربېك ئىسايېۋنىڭ ئېلان قىلىشىچە، خىتاينىڭ " بېيجىڭ ف س ل" دەپ ئاتالغان خەلقئارا سودا شىركىتىنىڭ باشلىقى قىرغىزىستان تەرەپكە بىر قانچە چوڭ خىتاي شىركەتلىرىنىڭ مەزكۇر تۆمۈر يولنىڭ قاراسۇ-ئارپا ۋە تورغات قىسىمىنى ياساشقا تەييار بولۇپ، بىرلەشكەنلىكىنى شۇنىڭدەك خىتاي ھۆكۈمىتىدىن قەرز ئېلىشى مۇمكىنلىكىنى ئۇقتۇرغان.

مەزكۇر تۆمۈر يولنىڭ قىرغىزىستاندىكى قىسىمىنىڭ ئۇزۇنلۇقى 300-340 كىلومېتىر بولۇپ، بىشكەك بۇ قۇرۇلۇشتىكى مەبلەغ مەسىلىسىدە قىيىنچىلىق ھېس قىلغانلىقتىن خىتاينىڭ مەبلەغ سېلىشىغا مۇھتاجلىقىنى ئىزچىل بىلدۈرمەكتە. (ئۈمىدۋار)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت