Amérika armiyisi, afghanistandiki mehbuslarni qoyiwetti

Amérika we afghanistan hökümet xadimlirining bildürüshiche, amérika armiyisi ikki yildin béri tutup turuwatqan 86 neper afghan mehbusini qoyup bergen.

Afghanistan aliy sot mehkimisi bayanatchisining bildürüshiche, yéqinda amérika armiyisi, afghanistanning paytexti kabulda turushluq amérika herbiy bazisidiki 70 neper mehbus bilen afghanistanning qendihar wilayitide turushluq amérika herbiy bazisidiki 17 neper mehbusni qoyup bergen.

Bulardin sirt, amérikining gwantanamo bazisidiki 17 neper mehbusmu, ötken ay erkinlikke chiqqan.

Amérika birleshme agéntliqining xewiride körsitilishiche, amérika terep yéqindin buyan mehbuslarni erkinlikke chiqirish xizmitini jiddi élip barghan. Ular bundaq qilish arqiliq talibanlarning zorawanliq pa'aliyetlirini axirlashturishini tewsiye qilmaqchi iken.

Mezkur mehbuslarning köpinchisi taliban rehberlikide zorawanliq heriketlerge qatnashquchi düshmen eskerliri dep eyiblen'gen bolsimu, biraq bu xil eyiblesh xelq'ara sot teripidin étirap qilinmighan. (Eqide)