Muhemmed salix, islam esli din teriqetchiliki özbékistan'gha tehdit séliwatqanliqini ret qildi


2005.06.30
Share on WhatsApp
Share on WhatsApp

Özbékistan öktichiler rehbiri muhemmed salix, eger özbékistanda islam kérimof hökümiti yéqilsa, özbékistanni islam esli din teriqetchiliri ötküziwélishi mumkin, dégen qarashning toghriliqini ret qildi. Muhemmede salix bu sözlerni charshenbe küni amérika dölet mejlisidiki ispat bérish yighinida tekitlidi.

Muhemmed salix özbékistan erk partiyisining qurghuchisi. Emma u 1994 - yildin béri chet'elde sürgünde yashimaqta. Kérimof hökümiti uning sirtidin sot échip, uni 15 yilliq qamaq jazasigha höküm qilghan. Nöwette amérikini ziyaret qiliwatqan muhemmed salix, kérimof hökümitining uning heqqidiki eyibleshlirini " qorqunchluq adaletsizlik," dep körsetti.

Muxemmet salix, 13 - maydiki enjan weqesini 1989 - yildiki tyenenmin qetli'amigha sélishturup, "dunya jama'etchilikining enjandiki weqege yiterlik inkas qayturmighanliqidin epsuslinimen," dédi. Emma özbékistan hökümiti enjandiki puqralargha oq chiqarghanliqini ret qilip, weqede ölgen 176 kishining köpchiliki térorchilar, dep körsetmekte.

Muhemmed salix mundaq deydu: " amérika we dunya jama'etchiliki özbékistanni islam esli din teriqetchiliri ötküziwélishi mumkin, dégen qarashning toghra emeslikini aydinglashturuwélish kérek. Muhemmed salix, amérika hökümitidin öktichilerning özbékistan'gha qaytishini qollap, özbékistanda erkin we adil saylam élip bérishke yardem qilishni telep qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.