Qirghizistan 29 neper özbék musapirini qayturup bermeydighan boldi


2005.06.26
Share on WhatsApp
Share on WhatsApp

Rusiyining "xewerler" agéntliqining uchurigha asaslan'ghanda, qirghizistan hökümiti özbékistan telep qilghan 29 neper musapirni özbékistan' gha qayturup bérish pilanini toxtitip qoydi. Eslide qirghizistan da'iriliri tashkent teripidin 13-may küni yüz bergen endijan weqesini keltürüp chiqirish bilen eyiblen'gen mezkur 29 musapirni qayturiwétishke qarar qilghan idi. Emma, ular xelqara jemiyetning jümlidin birleshken döletler teshkilatining qattiq tenqid qilishigha uchridi.

Xelqaraliq insan hoquqini közitish teshkilati qirghizistan hökümitige eger mezkur 29 neper musapirning özbékistan' gha qayturiwétilse, ularning hayatining xewpke uchraydighanliqini eskertip, bishkekning xelqara qanunlargha ri'aye qilip, toghra qarar chiqirishi heqqide murajet qildi.

Qirghizistan "qabar" agéntliqining uchurigha qarighanda qirghizistan yashlirining "birge" dep atalghan bir teshkilatimu özbék musapirlirini özbékistan' gha qayturmasliq heqqide hökümetke murajet qilghan. Netijide, qirghizistan öz pilanini özgertip, bu mesilini birleshken döletler teshkilatining musapirlar idarisi bilen birlikte hel qilishni qarar qilghan.

Béshkekbuningdin ilgiri töt neper özbék musapirini qayturiwetken bolup, bu ish xelqara insan hoquqi we démokratiyini ilgiri sürüsh teshkilatliri hemde hökümetlerning tenqidige uchrighan idi. Özbék musapirlirimu özliridin endishe qilip, b d t bash katipi kofi annan we bashqilargha murajetname yazghan .

Xewerlerge qarighanda hazir qirghizistan teweside texminen 500 etrapida özbék musapiri panahliniwatmaqta iken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.