Қирғизистан, өзбек мусапирлирини үчинчи дөләткә әвәтидиғанлиқини билдүрди


2005-07-28
Share

Чаршәнбә күни, қирғизистан һөкүмәт хадимлири, май ейида өзбекистанниң әнҗан шәһиридә йүз бәргән қанлиқ бастуруштин кейин, қирғизистанда панаһланған 451 нәпәр өзбек пуқрасиниң, өзбекистанға қайтурулмайдиғанлиқини, уларниң үчинчи бир дөләткә әвәтилидиғанлиқини билдүрди.

Лекин, бирләшкән дөләтләр тәшкилати мусапирлар идарисиниң билдүрүшичә, өзбекистан һөкүмити һелиму қирғизистанда панаһланған өзбек пуқралириниң өзбекистанға қайтурулуши үчүн қирғизистан һөкүмитигә бесим ишләтмәктә икән.

Хәвәрләргә қариғанда, бирләшкән дөләтләр тәшкилати мусапирлар идариси, қирғизистанда панаһланған өзбек мусапирлирини оштин бешкәк айродромиға йөткәшкә башлиған. Әмма уларниң қайси дөләткә әвәтилидиғанлиқи техи мәлум әмәс икән.

Бирләшкән дөләтләр тәшкилати мусапирлар идарисиниң қирғизистандики вәкили карлос закакнини, һазирқи мәқсидимиз өзбек мусапирлирини қирғизистан сиртиға йөткәп чиқиштин ибарәт. Андин уларни қобул қилидиған бирәр дөләт тепишқа тиришимиз, деди. Лекин, франсийә агентлиқиниң хәвәр қилишичә, қирғизистан һөкүмәт хадимлири өзбек мусапирлириниң скандановийә дөләтлири шундақла австралийә, канада вә германийә қатарлиқ дөләтләргә әвәтилидиғанлиқини билдүргән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт