Қирғизистан һөкүмити 15 өзбек мусапирини дөлитигә қайтуридиғанлиқини билдүрди


2005-08-01
Share

Хәвәрләргә қариғанда, бирләшкән дөләтләр тәшкилатиниң, май ейида әнҗан шәһиридә йүз бәргән бастуруш һәрикитидин кейин, өзбекистандин қечип, қирғизистанда панаһланған өзбек мусапирлирини қирғизистандин яврупа дөләтлиригә йөткигәнликидин қаттиқ ғәзәпләнгән өзбекистан һөкүмити, қирғизистанда қалған 15 өзбек мусапирини қайтуруп бериши үчүн қирғизистан һөкүмитигә қаттиқ бесим ишләтмәктә.

Өзбекистан һөкүмити, бирләшкән дөләтләр тәшкиланиниң қирғизистанда панаһланған 455 нәпәр өзбек мусапирини яврупа дөләтлиригә йүткигәнликини, өзбекистанниң ички ишлириға арилашқанлиқ дәп тәбирләп, қаттиқ тәнқид қилған.

Қирғизистан баш тәптиш ярдәмчиси нурлан җаналийф, "биз қирғизистанда қалған 15 өзбек мусапирини өзбекистан қайтуруп беришини тәшәббус қилимиз. Баш тәптиш идарисиниң бу мәсилә тоғрисидики мәйдани бурундин ениқ иди" деди

Әмма бирләшкән дөләтләр тәшкилати мусапирлар комитети рәиси, қирғизистан һөкүмитини агаһландуруп, қирғизистанда қалған өзбек мусапирлирини өзбекистанға қайтуруш хәлқара қанунларға хилап бир һәрикәт, чүнки қалған 15 өзбек мусапириниң 11 и бирләшкән дөләтләр тәшкилати тәрипидин қанунлуқ мусапир дәп етрап қилнған кишиләр " деди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт