Qirghizistan hökümiti 15 özbék musapirini dölitige qayturidighanliqini bildürdi


2005-08-01
Share

Xewerlerge qarighanda, birleshken döletler teshkilatining, may éyida enjan shehiride yüz bergen basturush herikitidin kéyin, özbékistandin qéchip, qirghizistanda panahlan'ghan özbék musapirlirini qirghizistandin yawrupa döletlirige yötkigenlikidin qattiq ghezeplen'gen özbékistan hökümiti, qirghizistanda qalghan 15 özbék musapirini qayturup bérishi üchün qirghizistan hökümitige qattiq bésim ishletmekte.

Özbékistan hökümiti, birleshken döletler teshkilanining qirghizistanda panahlan'ghan 455 neper özbék musapirini yawrupa döletlirige yütkigenlikini, özbékistanning ichki ishlirigha arilashqanliq dep tebirlep, qattiq tenqid qilghan.

Qirghizistan bash teptish yardemchisi nurlan janaliyf, "biz qirghizistanda qalghan 15 özbék musapirini özbékistan qayturup bérishini teshebbus qilimiz. Bash teptish idarisining bu mesile toghrisidiki meydani burundin éniq idi" dédi

Emma birleshken döletler teshkilati musapirlar komitéti re'isi, qirghizistan hökümitini agahlandurup, qirghizistanda qalghan özbék musapirlirini özbékistan'gha qayturush xelq'ara qanunlargha xilap bir heriket, chünki qalghan 15 özbék musapirining 11 i birleshken döletler teshkilati teripidin qanunluq musapir dep étrap qiln'ghan kishiler " dédi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet