Qirghizistan da'iriliri, qirghizistandiki özbék musapirlirini yawrupa döletlirige ewetidighanliqini bildürdi


2005.08.08

Düshenbe küni qirghizistan bixeterlik komitétining mu'awin re isi wiyachislaw xan finlandiye, shiwitsiye we gollandiye hökümetlirining qirghizistanda qalghan 15 neper özbék musapirining 11 ni qobul qilishqa teyyar ikenlikini bildürgen.

13-May küni islam kérimof hökümitining enjan shehiride élip barghan qanliq basturush herikitidin kéyin 500 neper etrapida özbékistan puqrasi qirghizistanda panahlan'ghan.

Özbékistan hökümiti enjandiki weqelerde 190 " térrorchi" ning ölgenlikini bildürmekte. Lékin weqe shahidliri we xelq'ara kishilik hoquq teshkilatlirining bildürüshiche, enjandiki weqelerde 500 din artuq adem ölgen bolup, ölgenler arisida nurghunlighan ayal kishiler we kichik balilarmu bar iken.

Özbékistan hökümiti, qirghizistanda panahlan'ghan özbék musapirlirini özbékistan'gha qayturup bérishi üchün qirghizistan hökümitige qattiq bésim ishletken bolsimu, emma qirghizistan hökümiti xelq'ara kishilik hoquq teshkilatliri we gherb döletlirining bésimi netijiside, ularni özbékistan'gha qayturmidi hemde birleshken döletler teshkilatining ötken ay 400 din artuq özbék musapirini qirghizistandin rominiyige yötkep kétishige yol qoydi.

Qirghiz hökümiti 15 özbék musapirini enjan türmisidin qachqan jinayetchiler dep tutup qalghan. Emma, qirghizistan hökümiti jüme küni eger 10 kün ichide qirghizistanda qalghan 15 özbék musapirini qobul qilidighan birer dölet chiqmisa, ularni özbékistan'gha qayturup béridighanliqini élan qilghan idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.