Сайлам мунасивити билән қирғизистандики намайишлар давамлашмақта


2005.03.06
Share on WhatsApp
Share on WhatsApp

Қирғизистандики парламент сайлимиға қарши намайишлар давам әтмәктә. Ройтирс агентлиқиниң хәвиригә қариғанда, нарин областидики 2000 дәк киши йәкшәнбә күни хитайға тутушидиған юқири сүрәтлик ташйолни тосуп, йәрлик кандидатиниң сайлам һоқуқиниң бикар қилинғанлиқиға наразилиқ билдүргән. Уларниң кандидати ишәнбәй қадирбикофниң кандидатлиқ салаһийити шәнбә күни йәрлик сайлам комитети тәрипидин рәт қилинған.

Җалалабадтики йәнә бир өктичи кандидатниң қоллиғучилири шәнбә күни йәрлик һөкүмәт бинасини ишғал қилған. Улар " әсқәр ақайеф чүшүп кәтсун!" дегәндәк лозункиларни есип, өткән һәптики сайламниң нәтиҗисини бикар қилишни тәләп қилған. Қирғизистан һөкүмити бинаниң сиртида һәрбийләрни орунлаштуруп, башқиларниң киришини чәклигән. Намайиш йәкшәнбә күниму давам қилмақта.

Қирғизистан ички ишлар министирлиқиниң билдүрүшичә, башқа бир қанчә районлардиму сайламға қарши наразилиқ паалийәтләр елип берилмақта.

Өткән йәкшәнбә күни қирғизистанда парламент сайлими өткүзүлгән иди. Сайламни күзәткән яврупа бихәтәрлик һәмкарлиқ тәшкилати сайламниң хәлқара сайлам өлчәмлиригә тошмиғанлиқини билдүргән. Мәзкур тәшкилатниң көрситишичә, сайламда биләтни сетивелиш, өктичи партийиниң кандидатлирини сайламға қатнаштурмаслиқ вә мустәқил мәтбуатларға дәхли - тәруз йәткүзүш қатарлиқ мәсилиләр көрүлгән.

Хәвәргә қариғанда, қирғизистан парламентидики 75 орунниң аран 31 и өткән йәкшәнбә күнидики сайлам арқилиқ вуҗудқа кәлгән. Қалған көп қисим орунлар болса 13 - март күни өткүзилидиған ахирқи сайламда бикитилидикән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.