Әскәрләр әнҗандики намайишчиларға оқ чиқарди


2005.05.13

Һәрбий қисимлар җүмә күни өзбекистанниң әнҗан шәһиридики намайишчиларға оқ чиқирип, аз дегәндә 9 кишини өлтүрди. Әмма намайишчилар 50 кишиниң әскәрләр тәрипидин етип өлтүрүлгәнликини билдүрмәктә. Намайишчиләр әнҗандики бир түрмигә һуҗум қилип, даириләр тәрипидин диний әсәбийлик билән әйипләнгән 23 кишини түрмидин қоюп бәргән.

Өзбекистан президенти ислам керимов шу күни әнҗан шәһиригә йетип барди. Даириләр әнҗан шәһириниң барлиқ кириш - чиқиш еғизлирини қамал қилған. Намайишчиларниң сани 5 миң әтрапида болуп, әнҗан шәһиридики мәркизи мәйдан шундақла һөкүмәт бинасини контрол қиливалған. Әнҗан өзбекистан шәрқидики шәрқийдики өрп - адәт әнәниви күчлүк шәһәр.

Ташкәнд һөкүмити тәрәп вәзийәт контроллиқимизда, дәп җакарлиған болсиму, әмма бу тәрәпсиз мәнбәәләр тәрипидин испатланмиди. Даириләр чәтәллик мухбирларниң районға киришини шундақла чәтәл радио - телевизийә программилирини чәклигән.

Бу арида америка һөкүмити өзбекистанда тоқунушиватқан тәрәпләрни өзини тутувелишқа чақирди. Ақ сарайниң баянатчиси миклилан, "биз һәр иккила тәрәпни өзини тутувелишқа үндәймиз," дәп көрсәтти. У мундақ дәйду: "өзбекистан хәлқи кәң вәкиллик характергә игә, демократик һөкүмәтни үмид қилиду. Әмма бу зораванлиқ йоллар билән әмәс, тинч йоллар билән болуши керәк".

явропа иттипақи вәқә тоғрисидики баянатида керимов һөкүмитини тәнқид қилип, "намайишчиларниң һәрикити һөкүмәтниң кишилик һоқуқ намратлар мәсилиси вә қанунларға һөрмәт қилмиғанлиқидин келип чиққан җидди вәзийәтни намайән қилиду," көрсәтти. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.