Қазақистанда һөкүмәткә қарши наразилиқ күчәймәктә

Қазақистандики сиясий өктичи җамарқан туяқбай өткән җүмә күни алмата шәһириниң йеқинидики шанирак районида йәр мәсилси түпәйлидин сақчилар билән намайишчилар оттурисида йүз бәргән тоқунушни, хәлқиниң һөкүмәткә болған наразилиқиниң күнсери күчийиватқанниң бир бишарити дәп көрсәтти.

Ройтрис агентлиқиниң хәвәр қилишичә, мәзкур вәқә җәрянида йүзлигән намайишчи қазақ сақчилириға һуҗум қилип, үч сақчини бирнәччә саәт гөрүгә еливалған һәмдә тоқунушларда онлиған сақчи вә намайишчи яриланған.

Туяқбай, пәйшәнбә күни алматада бәргән баянатида, хәлқ һөкүмәт әмәлдарлириниң шикайәтлирини аңлайдиғанлиқини үмид қилған иди. Лекин һазир улар буниңдин үмидини үзүп, кочиларға чиқишқа башлиди. Бүгүн шәһәр башилиқини тәнқид қилған хәлқ , әтә мәркизи һакимийәтни тәнқид қилишқа башлайду, деди.

Хәврләргә қариғанда, шаниракдики тоқунуш, һөкүмәт әмәлдарлириниң миңлиған күчмәнни, райондин көчүрүшкә урунуши билән башланған. Бундақ тоқунушлар, өзини қазақистандики муқимлиқниң капаләтчиси дәп қарайдиған президент нурсултан нәзәр байиф һакимийити үчүн еғир бир сиясий зәрбә һесаблинидикән.

1989‏- Йлидин бери қазақистанда һакимийәт йүзргүзиватқан нәзәрбайиф, дуняда нефит баһасиниң өрлишидинму пайдилинип, қазақситанни оттур асиядики бир иқтисадий күч қилип тикләп чиқти. Әмма сиясий өктичиләр, уни қазақистанда пәрқлиқ сиясий көз қараптикиләрни бастуруп, ишсизлик вә өйсизлик қатарлиқ иҗтмаий мәсилиләргә йетәрлик көңүл бөлмиди дәп әйблимәктә.

Сиясий анализчилар, әгәр қазақистан һөкүмити, ишсзлик мәсилсини бир тәрә қилиш үчүн җддий тәдбир алмиса, алмута ниң башқа районлирида кәң көләмлик наразилиқ һәрикәтлири йүзбериши мумкин , дейшмәктә. (Әқидә)