Qazaqistanda hökümetke qarshi naraziliq kücheymekte

Qazaqistandiki siyasiy öktichi jamarqan tuyaqbay ötken jüme küni almata shehirining yéqinidiki shanirak rayonida yer mesilsi tüpeylidin saqchilar bilen namayishchilar otturisida yüz bergen toqunushni, xelqining hökümetke bolghan naraziliqining künséri küchiyiwatqanning bir bishariti dep körsetti.

Roytris agéntliqining xewer qilishiche, mezkur weqe jeryanida yüzligen namayishchi qazaq saqchilirigha hujum qilip, üch saqchini birnechche sa'et görüge éliwalghan hemde toqunushlarda onlighan saqchi we namayishchi yarilan'ghan.

Tuyaqbay, peyshenbe küni almatada bergen bayanatida, xelq hökümet emeldarlirining shikayetlirini anglaydighanliqini ümid qilghan idi. Lékin hazir ular buningdin ümidini üzüp, kochilargha chiqishqa bashlidi. Bügün sheher bashiliqini tenqid qilghan xelq , ete merkizi hakimiyetni tenqid qilishqa bashlaydu, dédi.

Xewrlerge qarighanda, shanirakdiki toqunush, hökümet emeldarlirining minglighan küchmenni, rayondin köchürüshke urunushi bilen bashlan'ghan. Bundaq toqunushlar, özini qazaqistandiki muqimliqning kapaletchisi dep qaraydighan prézidént nursultan nezer bayif hakimiyiti üchün éghir bir siyasiy zerbe hésablinidiken.

1989‏- Ylidin béri qazaqistanda hakimiyet yüzrgüziwatqan nezerbayif, dunyada néfit bahasining örlishidinmu paydilinip, qazaqsitanni ottur asiyadiki bir iqtisadiy küch qilip tiklep chiqti. Emma siyasiy öktichiler, uni qazaqistanda perqliq siyasiy köz qaraptikilerni basturup, ishsizlik we öysizlik qatarliq ijtma'iy mesililerge yéterlik köngül bölmidi dep eyblimekte.

Siyasiy analizchilar, eger qazaqistan hökümiti, ishszlik mesilsini bir tere qilish üchün jddiy tedbir almisa, almuta ning bashqa rayonlirida keng kölemlik naraziliq heriketliri yüzbérishi mumkin , déyshmekte. (Eqide)