NATO Ниң қазақистан һәрбий әслиһәлирини ишлитиш мәқсиди йоқ


2005.10.04
Share on WhatsApp
Share on WhatsApp

NATO Баш катипиниң оттура асия әллирини зиярәт қиливатқан вәкили роберт симонис, сәйшәнбә күни алматада, америка қисимлири өзбекистандин чекингәндин кейин, NATO ниң қазақистан һәрбий әслиһәлирини ишлитиш пилани йоқлиқини билдүрди.

Бирләшмә ахбарат агентлиқиниң хәвәр қилишичә, роберт симонис NATO ниң қазақистандин һәрбий базилирини ишлитишни тәләп қилишқа ярайдиған бирәр сәвәб барлиқини көрүп йетәлмидим, дәп тәкитлигән.

Қазақистан, 11 - сентәбир вәқәсидин кейин америка қисимлириниң һава бошлуқидин пайдилинишиға йол қойған иди.

Симонисниң тәкитлишичә, у чаршәнбә күни астанида қазақистан әмәлдарлири билән сөһбәт өткүзүп, икки тәрәп һәмкарлиқи вә район характерлик мәсилиләрни музакирә қилидикән.

Симонис қазақистанға қирғизистандики зияритини ахирлаштурғандин кейин йетип кәлгән болуп, у, дүшәнбә күни бешкәктә қирғизистан даирилири билән NATO билән қирғизистанниң һәмкарлиқ мунасвитини күчәйтиш мәсилилири бойичә сөһбәт елип барған.

11 - Сентәбир вәқәсидин кейин, қирғизистан америка башчилиқидики ғәрб иттипақдаш күчлириниң қирғизистанда һәрбий база қурушиға йол қойған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт