NATO Ning qazaqistan herbiy eslihelirini ishlitish meqsidi yoq

NATO Bash katipining ottura asiya ellirini ziyaret qiliwatqan wekili robért simonis, seyshenbe küni almatada, amérika qisimliri özbékistandin chékin'gendin kéyin, NATO ning qazaqistan herbiy eslihelirini ishlitish pilani yoqliqini bildürdi.

Birleshme axbarat agéntliqining xewer qilishiche, robért simonis NATO ning qazaqistandin herbiy bazilirini ishlitishni telep qilishqa yaraydighan birer seweb barliqini körüp yételmidim, dep tekitligen.

Qazaqistan, 11 - séntebir weqesidin kéyin amérika qisimlirining hawa boshluqidin paydilinishigha yol qoyghan idi.

Simonisning tekitlishiche, u charshenbe küni astanida qazaqistan emeldarliri bilen söhbet ötküzüp, ikki terep hemkarliqi we rayon xaraktérlik mesililerni muzakire qilidiken.

Simonis qazaqistan'gha qirghizistandiki ziyaritini axirlashturghandin kéyin yétip kelgen bolup, u, düshenbe küni béshkekte qirghizistan da'iriliri bilen NATO bilen qirghizistanning hemkarliq munaswitini kücheytish mesililiri boyiche söhbet élip barghan.

11 - Séntebir weqesidin kéyin, qirghizistan amérika bashchiliqidiki gherb ittipaqdash küchlirining qirghizistanda herbiy baza qurushigha yol qoyghan idi. (Erkin)