Nezerbayéf, öktichilerni qazaqistanda inqilab élip barmasliqqa agahlandurdi

Qazaqistan prézidénti nezerbayéf, jüme küni qazaqistanning hazirqi démokratiye xatirisini aqlap, qazaqistanda ukra'iniye bilen groziye istilidiki inqilab qozghashning qazaqistanni parakendichilikke élip baridighanliqini ilgiri sürdi. Nezerbayéf, " démokratiye bizning axirqi nishanimiz ikenlikini untup qalmiduq, biraq démokratiye yolimizning bashlan'ghuchi emes," dep körsetti.

Nezerbayéf, yuqiriqi sözlerni qazaqistan parlamént binasining pütüsh munasiwiti bilen sözligen qazaqistan parlaméntining töwen palatasidiki sözide tekitligen. Roytérs axbarat agéntliqi, qazaqistanda hazirgha qeder erkin we adil saylam élip bérilmighanliqini bildürdi.

" Radikal özgürüshler döletni parakendichilikke sörep kiridu," dep tekitligen nezerbayéf, qazaqistanning gherb istilidiki démokratiye bilen asiyaning alahilidikini birleshtüridighanliqini bildürdi.

Qazaqistanda ötken yili 9 - ayda élip bérilghan saylamda parlaméntning töwen palatasidiki öktichiler siqip chiqirilghan. Shu qétimqi saylam öktichi partiyiler shundaqla xelq'ara közetküchilerning tenqidige uchrighan idi. Ötken yili partlighan groziye bilen ukra'iniyidiki inqilab, dimokratik küchlerning hakimiyet üstige chiqishigha yol achqandin kéyin, astana hökümiti qazaqistandiki öktichilerge zerbe bérishke bashlighan. " Dölet bixeterlikini ajizlitish" bilen eyiplen'gen ikki öktichi partiye, qazaqistan sot mehkimisi teripidin taqalghan. (Erkin)