Nezerbayéf chet'el teshkilatlirini siyasetke arilashmasliq heqqide agahlandurdi

Qazaqistan prézidénti nursultan nazerbayéf pérzidént saylimining yéqinlishishi bilen, qazaqistandiki iqtisadiy payda élishni meqset qilmaydighan chet'el teshkilatlirini,dölet siyasitige arilashmasliq heqqide agahlandurdi.

Amérika birleshme axbarat agéntliqining xewirige qarighanda, nursultan nazerbayéf düshenbe küni bergen bayanatida, qazaqistanning iqtisadiy paydini közlimeydighan chet'el we dölet ichi teshkilatlirini yéqindin küzitidighanliqini bildürgen.

Bir qanche sabiq sowit jumhuriyetliri, chet'el teshkilatlirini gherb el hökümetlirige hemkarliship, giroziye, ukra'iniye we qirghizistandiki öktichi partiyilerning hökümetni aghdurushigha yardem berdi dep eyiplimekte.

16 Yilliq hoquq yürgüzgen mezgilide démokratik islahni tosush bilen eyiblen'gen nazerbayéf, bu yil 12 - ayning 4 - küni ötküzilidighan prézidént saylimida yene yette yilliq wezipe isteydu.

Shonga nazerbayéf bayanatida, " biz shuni éniq kösitishimiz kérekki: qanunimiz boyiche chet'elning organliri dölitimizning siyasiy hayatigha arilashmasliqi kérek, siyasiy partiyilerge maddiy yardem bermesliki kérek. Bolupmu saylam mezgilide téximu shundaq" dégen. (Arzu)